Ralhrang Pawlin Kalaymyo, Tharsi Khua An Nuai Ciamco Ih Khuami Pakhat An That >>>

Tuizing January 11, 2022 zinglam ah ralhrang 80 hrawng cu Kalaymyo, Tharsi khua ah an va lut ciamco ih khuasung inn le lo an siatsuah. Meithal an kap ciamco ih khuami pakhat a thi.

Tualsung mi in, “Kan khua ah uico ralhrang pawl an ra lut ih kum 46 mi U Pho Tun an kap that. Ralhrang pawl cu ke in an feh thluh ih kan khua an suahsan zo, meithal le ralthuam kimcang an keng” a ti.

Zinglam nazi 10:00 hrawng ah ralhrang pawl cu Tharsi khua ah an lut ih khuasung mipi pawl cu an kap ciamco, pakhat an kap that ih pahnih in hliamhma nazet an tuar. Khuasung mipi 6 hrawng cu an vaw ciamco hnuah an kai, an kaihmi lakah nunau khal an tel.

Khuami upa in, “Tharsi pacang pakhat an kap that, amal bik inn 2 cu an urkang. An kaihmi nunau pawl cu an suahsal nan mipa pawl cu an hruai vivo, paziat ciah an kai ti cu kan theifiang hrih lo. Tualsung mipi kilhimtu pawl thawn kahawknak zianghman aum lo nan kan khua cu ralhrang pawlin an ra nuai ciamco” a ti.

Ralhrang pawl lakah Pyu Saw Htee pawl khal an tel, khuasung ih phungyi tlawnginn ah nazi 3:00 hrawng an um lawk ih sun nazi 1:00 luan ah Tharsi khua cu an suahsan. Khuasung mipi pawl cu sahimnak hawlin khuadang, hmun dangdang ah an tlan.

Be the first to comment

Leave a Reply

Your email address will not be published.


*