Ralhrang Pawlin Khuai Bu An Kap Ngah Ih Khuai Pawlin An Keu Ciamco

January 11, 2022 sun ah ralhrang pawl cu Sagaing ramkulh, Chaung Magyi khua lam ah an va feh. Khuasung an lut hlante ah meithal an kap ciamco ih khuai bu an kap ngah ruangah khuai pawlin ralhrang pawl cu an keu ciamco ih pathum cu an hmai a thling thluh.

Khuami pakhat in, “Chaung Magyi khuahnar ah meithal an kap ciamco ih khuai bu an kap ngah. Khuai pawlin an rak keu ciamco ruangah uico pathum cu an hmai a thling thluh” tin media hnenah a sim thei.

Thudang: Naacang In Ralhrang Pakhat A That, A Sungril A Pawt
Kawlin ramsung ah naacang in ralhrang pakhat a that, a velh ciamconak ah ralhrang ih sungril khal a pawtsuak thluh tin kiangkap um mipi pawlin media hnenah an sim thei.

December 9, 2021 zinglam ah ralhrang pawl cu Kawlin ramsung ih khua dangdang ah an lut ciamco ih mipi inn le lo an siatsuah vivo, an urkang. Oketaikkone khua an urkang hnuah loram sungah an lut ih Nyaung Pin Yoe khua lamah an feh. Pyin Pin khua an thleng hlanah naacang in arak suasam ciamco.

Tualsung mi pakhat in, “Kawlin thlanglam um khua pawl cu ralhrang in an siatsuah vivo, culai takah naacang in ralhrang pakhat a khik that. Ralhrang ih sungril khal a pawtsuak thluh, mipi in naacang cu mipi duhdawttu naacang tin hmin an phuah. Mipi hrangah phuba a la” a ti.

Thudang: Rul In Ralbawi A Cuk That
Sagaing ramkulh, Wetlet ramsung ih ralbawi Deputy Sergeant cu rul in a cuk ih a tursia tuar loin a nunnak a liam. Ralbawi cuktu rul hi rultur nei ṭihnung zet pawl a si.

January 9, 2022 ah ralhrang 140 hrawng cu Wetlet ramlak ah an va lut ciamco ih tualsung mipi kilhimtu PDF pawl an hawl. Cutin tupi sungah PDF pawl an hawl rero lai January 10 sun nazi 2:00 hrawngah ralhrang captain le Deputy Sergeant cu tur in arak cuk.

Tualsung PDF ṭuanvo neitu in, “Deputy Sergeant cu tui zanlam ah a thi. An captian khal siivai an thun rero lai ih a bese tuk, nazi 24 sungah rultur hi a taksa sungah a nungsal asilen a thi ding. A dinhmun hi a se tuk ruangah a thi ve thei, rul in mipi pawl laksawng in pe” a ti.

Be the first to comment

Leave a Reply

Your email address will not be published.


*