Ralhrang Pawlin Khuasung Mi (6) An That Ih Bomb An Kam Ruangah Ruak An La Ngam Lo

Sagaing, Nyaung Pin Thar khuami (6) cu May 2, 2022 sun ah ralhrang pawlin an kap that. An kap that hnuah an khualutnak ah bomb an kam thluh ruangah mithi ruak cu khuasung mipi pawlin an la ngam hrih lo.

Mithi pawl cu Ko Kyaw Naing, Ko Pyae Phyo Aung, Zaw Min Aung, Ma Myint San, Ko Naing le Ko Pho Sap pawl an si.

May 2 zinglam nazi 9:00 hrawngah ralhrang pawl cu Nyaung Pin Thar khuasung ah an va lut ih inn an urkang, meithal an kap ih mipi thilri bungrua pawl an laksak.

Khuasung mipi pawl cu ramlak ah an tlan, tualsung mi 6 cu ralhrang in an kap that. Ralhrang pawl cu an tlan hlanah an khualutnak kiangkap hrawngah bomb an kam thluh ruangah khuasung ah mipi an lut ngam hrih lo.

Be the first to comment

Leave a Reply

Your email address will not be published.


*