Ralhrang Pawlin Khuasung Mi Pakhat A Nunglai In An Urthat

Sagaing, Bot Ywa khua ih phungyi tlawnginn sungah ralhrang pawl cu nihnih sung an cam ih khuasung mi, kum upa U Nyunt Hlaing cu hridai in an tawnbet hnuah a nunglai in an urthat.

December 10, 2021 simlam ah ralhrang pawl cu Bot Ywa khua ih phungyi tlawnginn ah umhmun an va khuar ih Bot Ywa khua le Sap Pya Kyin khua cu an nuai ciamco.

Mipi inn le lo an siatsuah ih an thilri bungrua pawl an laksak, inn an urkang. Khuasung mi U Kyaw Thein Win khal an vel ciamco ih a hmai a thling thluh, a phone dawr an siahsuah sak ih phone thar pawl an laksak.

Tualsung mi pakhat in, “Uico ralkap pawl an tlan hnuah mihlo U Nyunt Hlaing cu kan hawl ih ralhrang pawlin a nunglai in an rak urthat. December 14 sun nazi 2:30 hrawngah a ruak hi kan hmu” a ti.

Be the first to comment

Leave a Reply

Your email address will not be published.


*