Ralhrang Pawlin KNLA Siibawi An Hrem That

Kayin State, tualsung mipi humhimtu KNLA ih siibawi Saw Aung Htoo cu ralhrang pawlin an kai ih nasa zetin an hrem hnuah a thi.

March 24 sun ah Saw Aung Htoo le KNLA ṭhenkhat cu lam an leng ih ralhrang pawlin an rak kap ciamco, Saw Aung Htoo cu a ke ah an kap ngah ih ralhrang pawlin an kai. Saw Aung Htoo cu hliamhma tuar cingin ralhrang pahnih a kap that man. A rualpi pawl cu an tlan man.

Ralhrang pawlin nasa zetin an hrem hnuah a thi, a ruak cu March 25 zinglam ah a rualpi pawlin an va thiarsuak thei. Free Burma Rangers ih ṭuanvo neitu in, “A taksa parah nasa zetin an hrem ti a theihthei, a thih hlanah an hrem nasa. A kut le kezung pawl khal a bul thluh deuh thaw, a sungril khal a pawtsuak. A luruh khal a kek” a ti.

Saw Aung Htoo cu 2013 kum ah Free Burma Rangers (FBR) ah training a kai ih KNLA tatzin (6) le tatzin (17) ah damlo pawl, hliamtuar pawl tuamhlawmtu a si. A nupi le a fanu kum 6 mi le kum 3 mi a thihsan.

Be the first to comment

Leave a Reply

Your email address will not be published.


*