Ralhrang Pawlin Kum (3) Sung Thawngtla Dingin A Thu An Ṭhencat Hnuah Thubuai Dang An Orhter Tum

Kan dung March thla ahkhan ralhrang pawlin Yangon, Botahtaung, ahmat (45) lamzin ah tlawngta 4 an kai ih Insein thawnginn sungah an khum.

Rampi buai dingih cangvaitu tin pukmah 505 hmangin thubuai an orhter thluh ih tuisun August 5, 2022 ah kum 3 sung thawngtla dingin an thuhla an ṭhencat.

An kaihmi (4) cu Ko Kyaw Theh Aung, Ko Thet Aung Moe, Ko Sai Min Kyaw le Ma Moe Mansu an si. Nunau pakhat le mipa pathum an kai.

Pukmah 505 hmangin thubuai an orhter hnuah dothlennak ih tel, hriamkai thubuai an orhter sal tum. August 8, 2022 sun ah hriamkai thubuai hmangin an thuhla an ṭhencat sal ding.

Be the first to comment

Leave a Reply

Your email address will not be published.


*