Ralhrang Pawlin Lamzawhtu Ih BluetoothSpeaker Cu Bomb Ah An Ruat Ih Mi 17 An Kai

Yangon, Sanchaung lamzin ah mino pawlin lamzawhnak an nei ih an hmanmi BluetoothSpeaker cu dalan in bomb kammi ah a ruat ih ralhrang pawl hnenah thudiklo a sim thei. Ralhrang pawlin lamzawhtu pawl cu kai dingin a hmun ah an va feh ih an rak tlan thluh man ruangah kiangkap ih um mi 17 an kai.

Sanchaung vengsung khal an khar lawk. Lamzawhnak ih tel Ko Ko Maung in, “March 27 zinglam nazi 11:00 hrawng ah ralhrang pawl an ra ih lamzin ih mi vak suakso pawl cu thu an sut. Food Panda rawl zemtu le nunau pawl an kai.

Kan ausuahnak BluetoothSpeaker a te pawl cu dalan in ‘lamzawhtu pawlin bomb an kam’ tin ralhrang hnenah arak sim thei. Lamzin kap ih dawr kiltu nunau pawl khal an kai ih motor thawn an phur, an kaihmi 17 pawl cu lamzawhnak ih tel an si lo” a ti.

Tu’ah Sanchaung vengsung cu an khar nawn lo ih mi vaksuak khal an umsal zo, an kaihmi 17 lakah mi 9 cu an suahsal ih midang cu thu an sut rero lai.

Be the first to comment

Leave a Reply

Your email address will not be published.


*