Ralhrang Pawlin Lamzin Ih An Hmuhmi Fala Hmelṭha Pawl Ih Phone Number An Dil Hnuah Zuripin An Bia Ciamco Ṭheu

Ayeyarwady, Maubin khua lutnak lilawn gate ih duty ralhrang pawl hi an ler zet, sunnivu in zu an ri. Yangon-Pathein lamzin parih um an si, khualtawn sukso pawl cu thuhla a phunphun an rak sut ṭheu.

Fala/nunau hmelṭha an hmuhmi pawl cu security hrangah tin an phone number an rak dil, cumi hnuah zuripin an bia ciamco ṭheu. Ralhrang pawlin family motor ih to fala le company motor ih to fala pawl cu an hmuitin.

An biak buaimi fala pakhat in, “An umnak hmun cu Yangon lam ihsin feh tikah Maubin lutnak check point ah a si. Duty-tu ralhrang pawlin security hrangah tin inn address le phone number pawl in sut. A ṭul ngaingai maw ti cu ka thei ve lo, himi lamzin cu ka feh sukso ṭheunak a si ih thilthleng cu ka theifiang zet.

Motor zaten le minung zaten an rak sut lo. Family motor to le company motor to pawl lawng an suthlam, nunau hmelṭha deuhdeuh pawl an hril. Lilawn kan lan veten in phone ih zuripin in bia ciamco, an hmelsia tuk” a ti.

Ralhrang pawlin video call in an bia ih ṭongkam mawi lo zetzet an hmang, an biak ṭheunak phone number cu a block asilen phone dangin an biasal thotho, a burpin in khal an bia ṭheu. Hitawk hmun ih duty ralhrang pawl cu sunnivu in zu an ri ih khualtlawn sukso pawl hnenah sumpai khal an dil ṭheu.

Be the first to comment

Leave a Reply

Your email address will not be published.


*