Ralhrang Pawlin Lo Hnaṭuan Innsang Nu An Kap That

Mon State, Bilin ramsung ah ralhrang pawlin sualnak neilo innsang nu pakhat cu an kai ih an hrem ciamco hnuah an kap that.

Htawkalaw Khi khua ih um nupa tuakkhat cu tlanglo ah hnaṭuan in an um, cutin hna an ṭuan rero laitak ah an kiangkap ah tualsung mipi kilhimtu KNLA le ralhrang pawl an kapaw ciamco.

Nazi hrek hrawng an kapaw, lo hnaṭuan tei nupa in meithal le bomb puak awn an theih veten an ṭih tuk ruangah hmun dangdang ah an tlan. Innsang nu Naw Khi cu a tlannak lamah ralhrang pawlin an rak kai ih an soisa ciamco hnuah an kap that.

Naw Khi ih ruak cu a innsang pawlin an la ih an vuiliam, a tantami a pasal le a innsang pawl hi an nun a harsa zet tin Karen pawlkom KHRG in an phuang.

Be the first to comment

Leave a Reply

Your email address will not be published.


*