Ralhrang Pawlin Matupi Mipi Ti Le Rawl Lakah Tursia An Phulh

Chin State, Matupi peng sung, Matupi-Paletwa lamzin karlak ah ralhrang pawlin mipi ti le rawl lakah tuisia an phulh vivo thu theih a si.

Himi kiangkap ah ralhrang le CDF-Matupi pawl an doawk ṭheu ruangah khuasung mipi pawlin an loram sung suak fangcang, hanghnah hangrah pawl cu ramlak ah an thup, an ret ṭha ih anmah cu hmun dangah an tlan.

Cumi an ret ṭhami pawl cu ralhrang in an rak hmu ih tursia an phulhsak, khuasung mipi ih ret ṭhami fangfai, ei le in pawl rak eitu zinghnam le uico pawl khal tursia ruangah a kiangkap ah an thi ciamco. CDF-Matupi ṭuanvo neitu in, “Lamzin kap ih an ret ṭhami tlang loram sungsuak ti le rawl lakah tursia an phulh vivo, mipi pawl khal an riahsia zet.

Minung thinlung neilo ralhrang pawl ih cangvaihnak hi leitlun in thei hram seh” a ti. Ralhrang in tursia an phulhnak hmun cu Matupi ihsin peng 40 hlatnak, Matupi-Paletwa lamzin par ih um Kantaung le Maung Sein khua kiangkap ah a si.

Be the first to comment

Leave a Reply

Your email address will not be published.


*