Ralhrang Pawlin Mindat Ah Mi 2 An That Ih An Urkang

Chin State, Mindat ramsung, Yaek khua kiangah ralhrang pawlin mi 2 an that ih bike pakhat thawn an urkang cih. Ralhrang pawl cu Mindat ramsung khua dangdang ah an feh vivo ih khuasung mi an kai, an hruaihlo ṭheu.

CDF-Mindat ṭuanvo neitu in, “Khuasung mi 2 cu December 27 ah ralhrang pawlin an that ih an urkang, ralhrang pawlin khuasung mipi pawl an kai ih an hruaisuak ṭheu. An urkangmi 2 cu zo an si ti kan thei hrih lo” a ti.

December 28 simlam ah ralhrang pawl cu Yaek khua ah an va lut ciamco ih a zan cu an riak. December 29 zingah ralhrang pawl cu Mindat khua sungah an va lut, khuasung mi 2 an kai ih hridai thawn an tawnbet hnuah an hruailai cu kiangkap um pawlin an hmu.

December 17 ihsin ralhrang pawl cu hmunhnih rori in Mindat ramsung ah an va lut ih tualsung mipi kilhimtu pawl thawn an kapaw rero, December 26 tiangah vei 8 hrawng an kapaw zo ih cutawk ah ralhrang 8 an thi ih hliamtuar khal tam zet an um.

Be the first to comment

Leave a Reply

Your email address will not be published.


*