Ralhrang Pawlin Mindat Raltlan Hnenah Bawmnak An Va Pe

Chin State le Magway ramri ih um San khua ah ralhrang pawl an va feh ih raltlan pawl hnenah fangfai le sitii an pe. June 2, 2022 ah ralhrang pawlin thantar var an zar ih raltlan pawl umnak hmun ah an va feh.

Kyaukhtu Aiport ih umhmun khuar ralhrang pawl cu burhnih ah an ṭhenaw ih burkhat cu San khua ih tlawnginn ah an feh, burkhat sawn cu raltlan pawl umnak camp ah an feh.

Tualsung mi pakhat in, “Manisun ah Kyaukhtu Aiport ih thilri bungrua pawl an thiarsuak. Ralhrang pawl cu mipum 200 hrawng an si, thantar var an keng ih Mindat raltlan pawl umnak hmun ah an va feh ih fangfai le sitii an pe. Ralhrang pawl an rat ruangah Tat’nen (2) ih um mipi pawlin an ṭih tuk ruangah an tlan. Ruahsur lai caan a si ih a buaithlak zet” a ti.

Mindat ramsung ah ralhrang pawl an va lut ruangah tualsung mipi pawl cu sahimnak hawlin an tlan bet. San khua ahhin innsang 240 lenglo an um ih Mindat raltlan innsang 82 an um, raltlan mipum 400 lenglo an um.

Be the first to comment

Leave a Reply

Your email address will not be published.


*