Ralhrang Pawlin Mipi Lakah Buainak Suak Dingin An Cangvai

Ralhrang pawlin Falam khuasung mipi le CNO/CNDF karlakah hmuhthiam awklonak suak dingin an cangvai thu CNO in an phuang.

Chin State, Falam khua ih umhmun khuar ralhrang pawlin June 15, 2022 zan ah Cinmual vengsung ih um nauhak tlawnginn kiangah bomb an puah ih meithal an kap ciamco, tualsung mipi pawl cu thlaphang in an um. Ralhrang pawl ih cangvaihnak a si ih mipi le CNDF hmuthiam aw lo dingin an tuah.

A thaizing ah tlawnginn fehnak lamzin kap ah ‘Tlawngkai hlah, Falam hmin na siater. Nan fa pawl ruak nan hmu duh asile tlawngkai ter uh” tin catar mi hmuh a si. Himi catar mi zoh tikah cangantu hi Falam áš­ong ngan thiam hrih lo a si ti a theihtheih. Ralhrang pawl ih tarmi a si ih mipi ralkap pawl ih hminsiat dingin an cangvai.

June 17, 2022 zan nazi 10:00 hrawngah Falam khua, Tlanglo vengsung ih um tlawnginn kiltu ralhrang pawl cu anmah le mah an kapaw ih a hmun ah ralhrang pakhat a thi, ralhrang pawlin mipi ralkap ih kahthat vekin an langter tum ih an kiangkap cu meithal in an kap ciamco.

Ralhrang pawlin an kiangkap hrawng an kap ciamco ruangah tualsung mi pakhat ih kut ah an kap ngah, innsung ih thilri bungrua khal an kap siat. Baila khua ih inn pakhat khal ralthuampi in a tlak siat. June 19 zan nazi 10:00 hrawng khalah san um loin ralhrang pawlin pukpi an kap. Falam, Tat Kone ih umhmun khuar ralhrang pawlin ralthuampi vei 5 an kapsuak.

CNO in, “A parlam ih kan tarlang mi pawl hi ralhrang in CNO/CNDF le mipi thehdarh aw dingin an cangvaihnak a si. Kannih CNO/CNDF cun leitlun huap dothlennak daan le dun thlun in tlawngta nauhak le tlawnginn hi kan siatsuah lo ding. CNO/CNDF ih cangvaihnak a si lo ti kan lo theihter” tin an tarlang.

Be the first to comment

Leave a Reply

Your email address will not be published.


*