Ralhrang Pawlin Mipi Ralkap Hotu An Hrem That

Ralhrang pawlin Myawaddy vengsung ih um mipi ralkap pawl hotu captain Nay Min Kha cu an kai ih an hrem that. Vengsung nunau dalan ruangah an inn ah a tlung duak ti an thei ih April 14 ah ralhrang pawlin an va kai.

Nay Min Kha cu Black Dragon Special Task Force ah captain ṭuan lai a si. Ralhrang pawlin nasa zetin an hrem hnuah an that, a sungril pawl an phorhsuak ih Monywa siizung ah hlamtu nei lo ruak tin an va ret. A taksa le a sungril cu bag dangdang ah an fu. Black Dragon Special Task Force in an riahsiatnak thu an tarlang.

“April 14, 2022 zanlam nazi 6:00 hrawngah Black Dragon Special Task Force mino pakhat cu dalan ruangah ralhrang pawlin an kai hnu April 15 simlam nazi 4:00 hrawngah thusutnak hmunpi ah a thi. Monywa siizung ah hlamtu nei lo ruak tin an va ret, a ṭitsa cu an fu ih siizung ah an ret” tin an tarlang.

Be the first to comment

Leave a Reply

Your email address will not be published.


*