Ralhrang Pawlin Mipi Ralkap, Nunau Sakhan An Siim

Sagaing, Myaung ramsung ih mipi ralkap, nunau sakhan cu ralhrang pawlin an va siim ih an urkang thluh. MRA Camp Branch (2) sakhan cu June 11, 2022 zinglam nazi 11:00 hrawngah ralhrang tam zetin an va siim.

Mipi ralkap pawlin an rak thei ih an tlansuak thluh man, khawngaw ngah zohman an um lo. Ralhrang pawlin khuasung mipi pawl cu khamawknak ah an hmang ih an hruaitel ruangah mipi ralkap pawlin bomb puahnak, meithal kahnak in an kap lo ih dung an sip sawn.

Ralhrang pahnih cu a hranten hramrul lakah an relh, cumi cu Drone hmangin bomb an puah ih a hmun ah an thi veve.

MRA į¹­uanvo neitu in, “Sakhan cu an urkang thluh. Kan do duh asilen kan kap thei ko, bomb puahnak in le meithal in kan rak kap ve thei. Asinan, ralkhamnak ah khuasung mi pawl an hruaitel ruangah mipi pawl hi tuahmawh ding kan phang ih kan kap lo. Hramrul lakih relh ralhrang pahnih cu Drone hmangin bomb kan tlak ih a hmun ah an thi” a ti.

Be the first to comment

Leave a Reply

Your email address will not be published.


*