Ralhrang Pawlin Nau Nei Zikte Naupai Ih Mit Ah An Kap Ih A Thi

Yangon region, South Dagon Township, No. 204, Palemon apartment ih um kum 34 mi Daw Tun Eiandra Kyaw (Rakhine miphun) cu nau nei zikte naupai lai a si.

November 19, 2021 ah Pun Hlaing Hospital ah an va feh, lamzin ah ralhrang pawlin an motor cu an rak kap, motor sungih um Daw Tun Eiandra Kyaw ih bawb ah an kap ngah ih a mit ah a tlang.

Ralhrang pawlin motor theihsual ih an rak kap mi a si. Siizung ah an va tlanpi lohli ih emergency in a pum cu an at hnuah naute cu nungdam in an lasuak thei. Daw Tun Eiandra Kyaw cu a hliamhmatuar loin a pasal le a fahniang cu a thihsan ih November 21 sun nazi 3:00 ah an vuiliam.

A fate cu siizung ah an tuamhlawm rero lai ih feeding tube thawn an kilkhawi. AAPP in ralhrang kuttuar in sualnak neilo khuasung mi 1,281 zat an thi zo ti a phuang nan a ngaingai ah cu aiin an tam sawn ding ti zum a si. (#Chindwin News Agency, GNL Myanmar cazual)

Be the first to comment

Leave a Reply

Your email address will not be published.


*