Ralhrang Pawlin Nauhak Kum 4 Mi An Kai

May 3, 2022 ah ralhrang pawlin Mandalay peng, Kyaukse khua ah nunau nauhak kum 4 mi an kai. Nauhak Mashaki ih pa cu CDM tuah tlawng saya a si, lamzawhnak ah mipi kaihruaitu a si ruangah ralhrang pawlin kaih an tum ih hmunhimnak ah a tlan.

Curuangah a fanu telin an innsang member 9 cu a aiawh ah an va kai. An sungkhat in, “U Wai Lwin Oo cu ralhrang pawlin kaih an tum ruangah a tlan, a tlanhlonak cu a rei tuk zo. Ralhrang pawlin kai dingin an inn ah an ra hawl ṭheu ih an hmu thei lo, tlawng saya ihsin CDM tuah a si” a ti.

Ralhrang pawlin U Wai Lwin Oo an kai ngah lo ruangah a aiawh ah a fanu kum 4 mi, a nupi, a nulepa, a upa pahnih, a farnu, a nupi ih nulepa pawl cu an kai thluh.

April 29, 2022 sun ah ralhrang pawl ih sumpai phurtu motor cu tualsung mipi ralkap pawlin meithal thawn an hringhro hnuah sumpai ting 1,500 le motor cu an laksak, ralhrang pawlin U Wai Lwin Oo khal a telve tin kai dingin an hawl nan an kai ngah lo runagah a innsang pawl an kai thluh.

An kaihmi pawl cu an suah zalen hrih lo ih tuini tiang an sungkhat pawlin an pehtlaih thei hrih lo. An sungkhat in, “An nun a rawng tuk, nauhak hi kum 4 mi lawng a si lai ih mucu kai lai a si. Ṭong a thiam zo ih a duhnung tuk, hmeltheih lo cu a ṭih thei tuk. Tu’ahcun a ṭap rero ding” tin a seherh thu media hnenah a sim thei.

Be the first to comment

Leave a Reply

Your email address will not be published.


*