Ralhrang Pawlin Naupai Thilzuar Lai An Kap That

Ralhrang pawlin Bago ramkulh, Innwin lamzinkap ih Htun Seafood Distribution thilzuar naupai kum 23 mi Ma Chit Chit Tun cu meithal in an kap that thu kiangkap um mipi pawlin media hnenah an sim thei.

Kiangkap um pawlin January 31 zan nazi 9:30 hrawngah ralhrang pawlin an kap ih siizung ah an tlanpi hngal nan siizung an thlen tikah cun a thi zo an ti. A pum ah an kap ngah ih a pum sungih um naute khal a thi cih.

Ma Chit Chit Tun cu Innwin ahmat (10) ah amahten innluah in aum, vansiatnak a ton laiah a pasal cu inn ah aum lo. Ma Chit Chit Tun ih naupai cu thla 7 a luan zo ih March 4 ah nau a nei ding thu online parah arak tarlang zo.

Tualsung mi pakhat in, “Innwin ahmat (10) lamzin parah naupai pakhat an kap that, an kah thahnak kiangte phungyi tlawnginn ah ralhrang pawl umhmun an khuar.

An kap that hnu khalah ralhrang pawlin zingzoinak tivek zianghman an ra tuah lo, phungyi tlawnginn ih umhmun khuar ralhrang pawlin an duh tiktik ah meithal an kap ṭheu. Ma Chit Chit Tun hi ṭhaten hnaṭuan ih eihawl a si, ramkhelhnak thuhla khalah a tel dah lo” tin media hnenah a sim thei.

Be the first to comment

Leave a Reply

Your email address will not be published.


*