Ralhrang Pawlin Nga Kai Pacang An Kap That

Sagaing, Katha peng, Irrawaddy tiva ih nga kai pacang cu ralhrang pawlin an kap that. July 15, 2022 zan nazi 10:00 hrawngah cet lawng thawn nga a hawl. Innsang pabik a si ih nga kai ih eihawl an si.

Tiva kiangkap ah ralhrang pawl an va feh ih an kap that. Kiangkap ih um pakhat in, “Zan nazi 10:00 hrangah meithal in an kap ciamco, meithal awn hi vei 20 hrawng kan thei nan kan va zoh ngam lo” a ti.

Pacang kum 30 mi cu ahamt (3) vengsung, tlawnginn kiangih um a si. Zan nazi 10:00 hrawngah cet lawng thawn nga a kai rero, tiva kiangkap ah ralhrang pawl an va feh ih an hmu. Datmei thawn tiva kap ih feh dingin an ko, cet lawng cu a nunter ih tlansuah a tum zawn ah an kap that.

Be the first to comment

Leave a Reply

Your email address will not be published.


*