Ralhrang Pawlin ‘Nu Siang Hnem Cer’ An Kap That

Ralhrang pawlin innsang nu kum 22 mi Nu Siang Hnem Cer cu a lu ah an kap ngah ih a nunnak liam. Thuhla theitu pakhat in, “Tuizing ah ralhrang pawlin an tomi motor an kap ih Nu Siang Hnem Cer a thi. A ruak cu tui zanlam ah Falam lam ah an tlunpi ding” a ti.

August 12, 2022 zinglam ah ralhrang le tualsung mipi ralkap tangtlang pawl an kap aw. Nu Siang Hnem Cer cu Falam peng, Ral-lang khuami a si. A pasal le a fapa pakhat a thihsan. August 12 zinglam nazi 8:00 hrawngah Gangaw lam ah Khualtlawng dingin an poksuak ih an motor cu an rak kap.

Ṭuanvo neitu pakhat in, “Zinglam nazi 8:00 hrawngah Hakha ihsin peng 4 hlatnak hrawngah an kap. Meithal awn an thei ih motor cu an ding, an lu kun in an relh, an dunglam khalah khualtlawng motor dang aum. Ahmaisabik ah an um.

Nu Siang Hnem Cer ih lu ah an kap ngah ih a hmun ah a thi cih, a pasal Paul Lian ih liang ah an kap ngah nan a hliamhma hi a nasa lemlo. Motor sungih um Salai Kap Tin Hre ih kawng ah an kap ngah ih a hliamhma hi a nasa zet” a ti.

Hliamtuar pahnih cu Hakha siizung ah an tuamhlawm rero lai. Nu Siang Hnem Cer ih ruak cu Hakha Township Christian Ministers Fellowship (HCMF) bawmnak in an khua ah an phur tlung.

Be the first to comment

Leave a Reply

Your email address will not be published.


*