Ralhrang Pawlin Nupa Tuakkhat An That

Mandalay, Pyigyidagun khua ih um Ko Theh Htwe Maung le a nupi Ma Niang cu ralhrang pawlin an kai ih an kap that. An thih thuhla hi an sungkhat hnenah an sim thei lo ih ralhrang pawlin an urkang.

Ko Theh Htwe Maung tei nupa cu PDF pawl nan bawm tin December 14, 2021 zinglam nazi 11:00 hrawngah ralhrang pawlin an inn ah an va kai. Ralhrang pawl cu mipum 30 hrawng an si ih motor pahnih in an inn ah an va feh, an nupa in an hruaisuak ih innsung ah an fapa kum 10 mi lawng an tan.

An sungkhat in, “December 13 sun ah an ra kai ih thusutnak hmunpi ah an hruai, December 14 sun tiang an hrem, thu an sut rero. Ko Theh Htwe Maung cu thu an sut ih zianghman ka thei lo a ti, ralhrang pawlin na relsuak lo asilen na nupi hi kan hrem dingih kan that ding tin an hringhro.

Ko Theh Htwe Maung in “Ka thei lo” a ti sal ruangah a mithmuh ah a nupi cu an kap that, Ko Theh Htwe Maung cu a thinnaa tuk ih a au, a tal ciamco ruangah an kap that ve hngal. December 15 sun ah zohman sim thei loin ralhrang pawlin an urkang, an innsang pawlin tualsung palik sakhan ah an thuhla an va sut ih an thi zo thu an rak sim” a ti.

Be the first to comment

Leave a Reply

Your email address will not be published.


*