Ralhrang Pawlin Nupinu A Burpin An Sualpi Hnuah A Fale 2 Thawn An That

Gangaw, Ye Shin khua ih um innsang nubik cu ralhrang pawlin a burpin an sualpi ciamco hnuah a fale 2 thawn an that. Ye Shin khua ah inn 400 hrawng an um.

Pyu Saw Htee le ralhrang 200 hrawng cu June 4 sun ah Ye Shin khua ah an va lut ih kum 50 mi thinlung kimlo telin khuasung mi 4 cu an kap that. Inn 5 an urkang ih a zan an riak.

Kum 22 mi Mah Sandar Oo cu an kai ih a burpin an sualpi ciamco hnuah a fale 2 thawn an that, a thaizing lawngah tualsung mipi pawlin an that thu an thei. A fale pahnih cu kumkhat le hrek le kum 5 mi an si, a fale pahnih khal ralhrang pawlin an sualpi le sualpi lo ṭuanvo neitu pawlin an zingzoi rero lai.

An khua kiangkap ah doawknak aum lai ruangah thuhla hi an zingzoi thei hrih lo. Ralhrang pawl cu Ye Shin khua ihsin an suak ih ChaungKhu lamah an va feh ih lamzin ah PDF pawl thawn an kap aw rero lai.

Be the first to comment

Leave a Reply

Your email address will not be published.


*