Ralhrang Pawlin Palik Bawi An Kap That

Bago, Bago University lamzin kiangah ralkap le palik pawl an duty ih lamzin ih feh motor le bike pawl cu an check-up. June 1, 2022 simlam nazi 5:30 hrawngah family motor pakhat cu a ding duh lo lawk ruangah motor mawngtu cu an kap that, motor mawngtu cu palik bawi Ko Thiha a si.

Tualsung mi in, “Motor tumpi in lamzin an kham, cumi motor tumpi cu a helkual ih a tlan. Ralhrang pakhat in a dunglam ihsin a dum, lamzin kap ah a dingih sangka a ong veten a kap that hngal.

Palik le ralkap pawl cu an ri thluh, an kah that hnu lawngah palik bawi a si ti an thei. Anmah le mah khal hitin an kapaw that a si ahcun mipi cu kan tuar nasa ding” a ti. Ko Thiha ruak cu siizung ah an zohdik rero lai. A innsang pawlin thubuai an thehlut tum.

Ko Thiha cu Bago khua ih thanglian a si ih palik bawi a si hnuah Pyin Oo Lwin ah aum. Kiangkap mipi pawlin tumtahnak neicia ih kap that an si ding an ti. “Motor sangka an on veten an kap that cih. Thusutnak tivek an nei lo ruangah tumtahnak neicia an si men ding. A kaptu khal palik, mithi khal palik a si ih a ziaum deuh” a ti.

Be the first to comment

Leave a Reply

Your email address will not be published.


*