Ralhrang Pawlin PDF Motor An Kap, PDF (12) Nunnak Liam

Magway ramsung ah ralhrang pawlin PDF motor an kap ih PDF (12) an thi, hliamtuar (3) an um. June 22 zingpit ah PDF (30) hrawng cu ralthuam, zian pawl phur in an feh. Pwint Phyu Township, Mae Zali khua kiang lilawn ah ralhrang pawlin an rak bawh cia ih an kap.

Ṭuanvo neitu in, “Zingpit nazi 3:00 hrawngah sakhan pakhat ihsin an poksuak. Ralhrang pawlin himi lamzin ihsin an feh ding ti thuhla an theicia ding a bang, zan nazi 12:00 hrawng ihsin ralhrang pawlin an rak bawh cia thluh. Gate lutnak khal an thup, suahnak lamah gate an ret.

An va lut ih ralhrang pawlin an dingter, kanmah lamin an kap hmaisa. Ralhrang pawlin an kap ve hngal, ralthuampi RPG in an kap. Motor sungih an phurmi puakthei thilri pawl cu a puak ih a kang thluh. Kan lam mi 12 an thi ih 3 in hliamhma nasa zet an tuar. 2 cu nungdam in an kai” a ti.

An doawknak ah PDF 14 cu an tlansuak thei, meithal 6 cu an tlansuahpi thei. Meithal 20 lenglo cu an sung thluh. Ṭuanvo neitu in, “Kan naule pawlin ram le miphun hrangah ralthuam an va thiar. Asinan, thuhla a putsuak ruanagh siatnak an tong cu a poi tuk” a ti.

Be the first to comment

Leave a Reply

Your email address will not be published.


*