Ralhrang Pawlin PDF Sakhan An Siim Ih An Urkang, Ting 80 Man A Kangral

Magway, Sharhla khua kiangih um CAF-SPUPDF sakhan cu ralhrang pawlin an va siim ih an urkang. July 12, 2022 zan nazi 9:00 hrawngah PDF sakhan siim dingin ralhrang 270 hrawng an poksuak.

A thaizing July 13 zinglam nazi 7:45 ah minute 30 sung hrawng an kap aw. Tikuang ih feh ralhrang 6 cu a hmun ah an kap that. Ralhrang pawlin pukpi in an kap ciamco ih ralthuam thazang a thlauawk tuk ruangah mipi ralkap pawl cu dung an sip. Mipi ralkap pakhat hliam a tuar.

Sakhan sungih thilri bungrua pawl aiin raltlan pawl an ruat thupi sawn ruangah thilri bungrua pawl cu an sung thluh, raltlan pawl cu hmunhimnak lamah an hruaisuak. Ralhrang pawlin PDF sakhan cu an urkang ih ting 80 man a kangral, sakhan kiangih um raltlan sakhan khal ralhrang pawlin an urkang.

Kiangkap khuasung inn pawl khal an va siatsuah, ralhrang pawl an tlunlam ah mipi ralkap in kap dingin an rak bawh nan ralhrang pawlin khuasung mipi pawl an kai ih an hruaitel ruangah rak kapsal loin an kir.

Be the first to comment

Leave a Reply

Your email address will not be published.


*