Ralhrang Pawlin PDF Sakhan An Siim Ih PDF 8 An That, An Urkang

May 9, 2022 ah ralhrang pawlin Sagaing peng, Pegu khua kiangih um Black Eagle sakhan an va siim ih an kap ciamco. Zingkam nazi 6:00 hrawngah PDF sakhan cu an nuai ih PDF (8) an that ih an urkang, sakhan khal an urkang.

Tualsung mi pakhat in, “Ralhrang pawl cu hitawk kiangkap ah ni 4/5 hrawng an um zo, sakhan aum ti an theih ih zinglam nazi 6:00 hrawngah an siim” a ti.

Ralhrang pawlin ‘hmunram thianfainak ah mi 8 an kap that ih tuahcop meithal 4, tuahcop bomb 15, phone 15 le thilri dangdang an lak thu an tarlang. Black Eagle in May 3 le May 2 ah ralhrang pawl an rak kap zo.

Ralhrang pawlin an kaihmi PDF (8) cu dunglam ah an kut an tawnbet thluh, an nunglai in an urkang maw an thih hnuah an urkang ti cu theih a si. An ruak cu vutcam ah a cang ih an lu ah meithal kahnak hliamhma aum.

Be the first to comment

Leave a Reply

Your email address will not be published.


*