PDF Pawlin Thang An Kam !

January 8, 2022 zan nazi 8:00 hrawngah ralhrang 80 hrawng in PDF sakhan an va sim tum ih PDF pawlin thuhla an rak theihcia ruangah bomb an kam.

Ralhrang pawlin bomb cu an palpuak ih ralhrang 9 an thi ih hliamtuar 15 lenglo an um thu Defense Force MDY-DFM in an tarlang. Mandalay ramsung Madaya khua kiangah PDF sakhan aum ti ralhrang pawlin an theihthup ih an va nuai tum nan an tumdan vekin thil a thleng lo.

Bomb puak hnuah tualsung mipi kilhimtu DFM le ralhrang pawl cu nasa zetin an kapaw ciamco ih DFM pawl cu dungsip phahin an kap. Ralhrang pawlin PDF sakhan an nuai tum ti thuhla an theihcia ruangah DFM pawl cu tualsung hriamkai pawl dang in an va bawm.

Mipi kilhimtu pawlin dungsip phahin ralhrang pawl cu an kap rero ih lamzin tawkfang ah duty lai ralhrang thawn an tongaw thutthi, ralhrang duty pawl thawn an kapaw ciamco sal. Himi zan ah DFM ralkap pakhat cu ramlak ah ralhrang pawlin an kulh thluh, asinan zingpit ah a tlansuak thei.

A thaizing January 9 ah an kapaw ciamco sal ih ralhrang thi le hliamtuar an tam zet, ralhrang hliamtuar pawl cu motor 2 in an phur ih lamzin tluan ah meithal an kap vivo. Ralhrang pawlin PDF sakhan cu an urkang thluh nan PDF lakah mithi le hliamtuar an um lo.

Be the first to comment

Leave a Reply

Your email address will not be published.


*