Ralhrang Pawlin Pu Ki Tam An That, A Ruak An La Thei Lo

Ralhrang pawlin Chin State, Kanpetlet ih um pacang kum 29 mi Pu Ki Tam cu June 1, 2022 zinglam ah an kai ih an kap that. Pu Ki Tam cu a nau thitumnak hrangah Saw peng ah vok ava hawl ih a tlunlam ah Kanpetlet check-gate ah ralhrang pawlin an kai.

Ralhrang pawlin a phone sungah CDF ralkap pawl ih zuk aum tin an kai ih hmuan sungah an kap that. Khuami pakhat in, “June 1 sun ah Pu Ki Tam cu Kanpetlet check-gate ah ralhrang pawlin an kai. A phone sungah CDF ralkap zuk an hmuh ruangah an kai ih an kap that. Tutiang a innsang pawlin a ruak an ngah hrih lo” a ti.

A innsang pawlin an kai ti an theih veten an zingzoi hngal, ralbawi innsang an suthlam ih Pu Ki Tam cu an kap that zo. A ruak khal an phum zo tin an rak sim thei. Pu Ki Tam cu Mindat khuasuak a si ih a nupi le fanau pahnih thawn Kanpetlet khua ah hmuan tuah in an khuasa.

Thudang: Tlawnginn Ah Kaikuang An Rak Do, Kaikuang Cu A Ei Lo Ih A Fun, Saya Gyi In A Eilonak San A Sut Ih A Zangfak Tuk. China, Hebei tlawnginn ah nauhak pawl cu suncaw ah kaikuang an do ih an lungawi tuk. Nauhak Yutang cu kaikuang a ei lo ih a fun ṭha, buh/rawl lawng a ei rero.

Yutang hi innsang harsa zet ih thanglian a si, a nulepa cu lo hnaṭuan ih eihawl an si. An Saya Gyi in, ‘Ziangruangah kaikuang na ei ve lo ih na fun. Na ngaina lo maw si?” tin ava sut. Nauhak Yutang, “Ka ngaina tuk, kaikuang cu ka duhbik mi rawl a si. Ka funnak san cu innlam ah ka u damlo aum. Ka u hrangah ka sum tum” a ti.

Yutang ih u cu damlo ringring a si ih a vahsuak thei lo, ihkhun ah a it ringring. A taksa a zeng. Saya Gyi in a thuhla a theih veten a lainat tuk ih kaikuang cu tampi a pe bet, ‘na u hrangah tampin fun aw. Nangmah khal ei aw” a ti.

Be the first to comment

Leave a Reply

Your email address will not be published.


*