Ralhrang Pawlin Ralhrang Tanpitu Khua Khal An Urkang, Sagaing Ralbawipi Ih Suahsemnak Khua A Si

May 18, 2022 zinglam ah ralhrang pawlin Sagaing, Budalin ramsung ih um khua (6) an urkang. Mipi pawl cu sahimnak hawlin hmun dangdang ah an tlan thluh.

May 17 zan ah an khua kiangah mipi ralkap pawlin ralhrang motor cu bomb in an puah ih ralhrang 5 an thi ruangah ralhrang pawlin a kiangkap ih um khua pawl cu an kap ciamco ih an urkang. Chaung Wa Pyin khua khal an urkang.

Chaung Wa Pyin khua cu ralhrang pawl tanpitu USDP pawl umkhawmnak khua a si, Sagaing ram rak uktu hlun General U Thar Aye ih semsuahnak khua a si ih a farnu khal aum lai. A farnu pitar khal ralhrang pawl ṭih ah a tlan, USDP pawl khal an tlan thluh.

Tualsung mi pakhat in, ” Chaung Wa Pyin khua cu ralhrang pawl tanpitu khua a si. An khua ah inn 50 lenglo aum ih inn 7 lawng NLD party an si, midang cu ralhrang pawl tanpitu an si thluh. Ralhrang pawlin a sen (NLD) le a hring (USDP) khal an thleidang nawn lo.

Hursii an ri thluh ih an lamtang le tang lo khal an ruat lo, meithal in an kap ciamco hnuah khua pawl cu an urkang. U Thar Aye ih farnu pitar Daw Mya Mya khal khua ah aum lai, tu’ah ralhrang pawl ṭih in a naunu tei inn ah aum” a ti.

Be the first to comment

Leave a Reply

Your email address will not be published.


*