Ralhrang Pawlin Salai Lal Ro Mawi An Urthat, A Pai Anka >>>

Kalaymyo, Tanphu khuami Salai Lal Ro Mawi (kum 24) cu ralhrang pawlin an kai ih an urthat. December 4 ah Myitha tiva kiang leilet hna an ṭuan laiah ralhrang pawlin an kai ih ralkham awknak ah an hmang.

Oo Myay Htoo khua ah an hruai ih an urthat. A ruhro pawl cu December 7, 2021 ah CDF-KKG in an va la ih Christian dan vekin an vuiliam. December 4, 2021 ah a pa thawn loram ah hna an ṭuantlang, cutawk ah ralhrang pawl an va feh ih an pafa in an kai.

Hringtu a pa cu an suahsal ih a fapa cu ni 4 hnuah a ruhro lawng an hmu. Hringtu a pa in, “Khami ni ah loram ah hna kan rak ṭuan rero, ralhrang 3 an ra ih in thlunaw tin an hruaisuak. Ziangruangah an kai ti khal an rello, ka fapa hruaitu ralkap le in kaitu ralkap hi an bangaw lo.

Ralkap bur dangdang an si, kei le khuami ṭhenkhat cu in suahsal. Ka fapa cu tuizing lawngah kan hmu ih a ruhro lawng a tang, an rak urthat. Ziang ka rel ding, ka riahsia tuk, ka thin a naa tuk” tin BBC Burmese hnenah a sim thei.

Be the first to comment

Leave a Reply

Your email address will not be published.


*