Ralhrang Pawlin Tamu Ah Mi (3) An That

Tamu peng, Yanlinhpai khuami 2 le Khunmonnun khuami 1 cu ralhrang pawlin an kai ih an that. June 22 sun ah an khua kiang Panthar khua ah tualsung mi ralkap PDF le ralhrang pawl an kapaw ciamco.

Khuasung mipi pawl cu sahimnak hawl in an tlan. June 23 sun ah ralhrang pawlin Yanlinhpai khua ih inn 4 an urkang. Khuasung ih va lut duak tualsung mi 2 cu ralhrang pawlin an rak kai, cumi hnuah an khua kiang Khunmonnun khua ah an va lut ih khuasung mi 1 an kai bet.

An kaihmi 3 cu Namonta khua ah thicia in an hmu, meithal kahnak hliamhma an tuar. An thatmi pahnih cu pacang. An ruak cu khua lamah tlunpi dingin an tawlrel rero lai. Tulai hi Tamu ramsung ah ralhrang le PDF pawl an doaw nasa zet.

Be the first to comment

Leave a Reply

Your email address will not be published.


*