Ralhrang Pawlin Thawnginn Ihsin An Suah Zalen Mi In A Nupi Pathumnak A That

Yangon, North Okkalapa peng, Sampae (8) Street lamzin kap ih um pacang in a nupi cu rapthlak zetin a that. July 31, 2022 zingpit ah rapthlak zetin a that ih a tlanhlo.

Vengsung mi pakhat in, “July 31 zingpit nazi 4:30 hrawngah a that ih a tlanhlo. A that hnuah palik motor le ralkap motor pawl an thleng. Zingpit nazi 4:00 hrawngah in bawm uh tin a authawm cu kan thei ih nupa buainak ah kan ruat.

Cumi hnuah ring zetin veihnih a authawm kan theisal ih a reh. Zinglam nazi 7:00 hrawngah tualthattu cu an inn ihsin zianghman thilthleng um lo vekin a fehsuak lai an hmu, an inn sung an va zoh ih a nupi thizo cu an hmu” a ti. Mithi cu Mon State, Ye khuami a si.

Vengsung mipi pawlin an innsung an va bih ih mithi ruak an hmu, a kut le ke ah nam ih satnak hliamhma tam zet aum. A pum ah nam in a sat ih a sungril pawl a pawtsuak thluh. Tualthattu hi ritheihsii ngawlvel a si, ritheihsii a zuar in a tham áš­heu.

Ritheihsii a ri aa ruangah a nupi a that. Tu ih a nupi cu a nupi pathumnak a si, a hlan ih a nupi pahnih khal arak that zo ih an kai. Asinan, ralhrang pawlin an suah zalen hnuah a nupi pathumnak cu a that, kai dingin an hawl rero lai.

Be the first to comment

Leave a Reply

Your email address will not be published.


*