Ralhrang Pawlin Thihdaan An Orhter Mi Fala Cu Damsung Thawngtla Dingin An Thumsak

Fala kum 19 mi Ma Song Lee Pye (ZuZu) cu ralhrang pawlin an kai ih thihdaan an orhter. November 2021 ah Dagon, ahmat (2) vengsung ih um tlawng Sayama Gyi Daw Hla Hla Than thattu ah an puh ih March 17, 2022 ah thihdaan an orhter.

A innsang pawlin a thuhla relsal dingin an dil hnuah hremnak cu thumsak a si ih damsung thawngtla dingin a thu an áš­hencat. An sungkhat in, “Kan dung thla ah a thuhla zohdik sal dingin kan dil. Kan hlawhtling ruangah thihdaan ihsin damsung thawngtla dingin an thawnsak.

Thihdaan an orhter ih an that, a ruak hmu lo ih um aicun damsung thawngthlak cu a innsang hrangah a ziaum sawn. A innsang pawl thawn an umtlang thei lo nan a dam lai ruangah kan hnangam. A thi lo ih a ziaum tin kan hnem aw” a ti.

Ralhrang in ramsung thuneihnak an lak hnuah thihdaan orh mi 76 an um ih nunau 9 an um. July 23, 2022 ah thihdaan orh mi (4) U Phyo Zayar Thaw, U Kyaw Minyu (Ko Jimmy), U Hlah Myo Aung le U Aung Thura Zaw cu Insein thawnginn sungah an thlai that ruangah midang thihdaan orh innsang pawl cu an harsa zet.

Be the first to comment

Leave a Reply

Your email address will not be published.


*