Ralhrang Pawlin Thihdaan Orh Mi 4 An That, Ko Jimmy Nupi In ‘A Ruak Ka Hmuh Hlanlo Vuinak Caanserh Kan Tuah Lo Ding’ A Ti

Ralhrang pawlin thihdaan an orhter mi U Phyo Zayar Thaw, U Kyaw Minyu (Ko Jimmy), U Hlah Myo Aung le U Aung Thura Zaw cu July 23, 2022 sun ah Insein thawnginn sungah an that.

U Kyaw Minyu (Ko Jimmy) cu 88 kum ih tlawngta pawl hruaitu pakhat a si, U Phyo Zayar Thaw khal NLD palai hlun a si. Midang pahnih cu ramkhel thuhla ruangih an kaihmi an si.

Ko Jimmy ih nupi Nilar Thein in, “Mipi pawl kan remawk theinak dingah, kan lungrual theinak dingah a si. Ral pawlin in nuai asilen kan cangvai deuhdeuh ding.

Arsi pawl an ṭil hi a nungdam pawl kan colhnak ding, kan sunnak ding a si lo. Arsi pawl an ṭil hi thazang kan ngahnak ding sawn a si, himi leipar ihsin ralhrang pawl kan thianfai thluh ding. Ko Jimmy ih ruak ka hmuh hlanlo cu vuinak caanserh kan tuah lo ding” a ti.