Ralhrang Pawlin Tlangval Lal Ro Mawi An Urthat >>>

Salai Lal Ro Mawi (kum 24) cu ralhrang pawlin an urthat thu theih a si. Kan dungah hringtu a pa in Kalay peng sungah a hlo thu hi arak phuang zo, Lal Ro Mawi hi Thanphu khuami a si.

December 4 ah Myitha tiva kiang leilet hna a ṭuan laiah ralhrang pawlin an kai ih ralkham awknak ah an hmang. Oo Myay Htoo khua ah an hruai ih an urthat. A ruhro pawl cu December 7, 2021 ah CDF-KKG in an va la ih Christian dan vekin an vuiliam.

Thudang: Ralhrang Pawlin Pa Ngun Nei Thang An Urthat
Ralhrang pawlin December 5, 2021 ah Chinmi pakhat cu hridai thawn an tawnbet ih an urthat thu theih a si. Kalaymyo thlanglam Chaungkhuah khua mi Pa Ngun Nei Thang cu Myitha tiva kiangih an pee loram sung thlam ah an kai ih an hruaisuak.

Oo Myay Htoo khua ah an hruai ih inn pakhat sungah hridai thawn an tawnbet hnuah inn thawn an urthat thu Chin National Organization thuthang sungah an tarlang. Pa Ngun Nei Thang ih ruak cu CNDF Kalay tatmaha (Vakok) in an va la ih December 5 simlam ah Christian dan vekin an vuiliam. Pa Ngun Nei Thang hi sualnak nei lo khuasung mi lo hnaṭuan a si.

Be the first to comment

Leave a Reply

Your email address will not be published.


*