Ralhrang Pawlin Vanzam In Bomb An Thlak Ciamco Ih Anmai Sakhan Ah An Thlak Ngah

Tuizing January 7, 2022 zing ah Karen ralkap pawlin Thai-Myanmar ramri ih um ralhrang sakhan cu an va kap ciamco ih ralhrang sakhan cu an laksak.

Sakhan an lak hnu nazi hrek hrawngah ralhrang pawlin doawknak vanzam pahnih in bomb an va thlak ciamco. Karenni Army Headquarters Camp cu bomb in an thlak tumnak ah an theihsual ih Karkin Kung ralhrang sakhan sawn bomb in an thlaksual.

Tualsung mi pakhat in, “Ralhrang pawlin vanzam pahnih in bomb an va thlak ciamco, Karen ralkap camp an puah tum nan anmai sakhan sawn bomb in an puah ngah” a ti.

Tuizing an doawknak, sakhan an laknak ah ralhrang thi an tam zet tin Karen ralkap pawlin an phuang nan a cipciar cun an phuang hrih lo. Karen ralkap lamah thi le hliamtuar an um lo ih ralhrang 4 cu nungdam in an kai.

Be the first to comment

Leave a Reply

Your email address will not be published.


*