Ralhrang Puai An Tuahnak Ah Lungrual A Ṭulzia Forhfiahnak An Neih Hnuah An Sualaw Ciamco

Nay Pyi Daw khawpi ah ralhrang pawlin hlunghlai zetin puai an tuah. Cutawk ah an pule pawlin lungrual a ṭulzia forhfialnak an nei rero. Ralkap pawlin palik nunau pawl cu an ter, an ngiarnak ah buainak a suak ih palik le ralkap pawl an sualaw ciamco.

Hmin tarlang remlo palik pakhat in, “Ralkap pawlin palik nunau pawl an ter hmaisa, palik nunau pawlin an rak kawk ruangah ralkap pawl cu an ning a zak tuk. Cutin, an buainak va khamtu palik mipa pawl cu ralkap in an rak thong ih an sualaw ciamco. Palik 5 cu an kai ih thawnginn sungah an khum lai.

Palik khal ram hrangih hnaṭuantu an si, ralkap khal ram hrangih hnaṭuantu an si. Tuiṭum an buainak ah palik pawl lawng hremnak an pe cu palik le ralkap karlakah thleidannak aum ti a theihtheih. Hremnak an pe ding asilen ralkap khal, palik khal hremnak pe veve ding an si” a ti.

An puai tuahnak hmun ah ralkap pawlin palik nunau cu an ter rero ih an buai hnuah palik 5 hrawngin ralkap 3 cu an vel ciamco, ralkap 3 cu hliamhma nazet tuar in siizung ah an tuamhlawm rero lai thu theih a si.

Be the first to comment

Leave a Reply

Your email address will not be published.


*