Ralhrang Ralthuampi Thailand Ramsung Ah A Tla Puak, Thailand In, “A Tlasal Asilen Kan Lo Kap Ding” An Ti

December 16, 2021 sun ah ralhrang le KNU pawl cu Thai-Myanmar ramri ah an kapaw ciamco ih ralhrang ralthuampi cu Thailand ramsung ah ava tla puak dumdo.

Lamzin laifang ah a tla puak ih raltlan putar in hliam nazet a tuar, kiangkap um mipi pawl khal ṭih thlaphang in an um thluh. Cumi hnuah Thailand ralkap pawlin, “Neta ah ralthuampi ara tla puaksal asilen kan lo kap hngal ding” tin ralrinnak thu an suah.

Ramri ih um thuthang latu in, “Thailand ramsung ah ralthuampi a tla puak ruangah Thailand in ralrinnak an pe. Ralthuampi ara tlasal asilen ralthuampi an kahnak hmun pawl cu hitawk ihsin kan kap ciamco hngal ding tin ralrinnak an pe.

Tu’ahcun meithal awn khal a dai zo, ziangtin an um vivo ding ti cu theih a si lo. Tuiṭum telin Thailand ramsung ah ralhrang pawl ih ralthuampi hi vei 4 a tla puak zo, ziangthil a thleng vivo ding ti cu theih a si lo ih kan rak cuan hnik ding” a ti.

Be the first to comment

Leave a Reply

Your email address will not be published.


*