Ralhrang Remdaihnak Meeting Ah Hriamkai Pawlkom (5) An Tel Ding

Min Aung Hlaing ih tawlrelnak in ramsung remdaihnak meeting an tuah tum rero lai. Ralhrang pawlin NCA hminkhentu hriamkai pawlkom (10) cu meeting kai dingin a sawm ih May 9 hlanah thuhla theihtersal dingin an tarlang.

NCA hminkhen hrih lo hriamkai UWSA၊ KIO၊ SSPP၊ TNLA၊ MNDAA၊ NDAA le AA pawl khal meeting kai dingin a sawm nan PDF, NUG cu a sawm lo. Tutiang ah hriamkai pawlkom (8) lawngin meeting an kai le kai lo ding thu an theihter zo.

UWSA kaihruai mi ‘Wa’ hriamkai FPNCC in thuhla simthannak zianghman a nei hrih lo, tlawngta pawlkom ABSDF khal an hruaitu pawl meeting an neih lai ruangah ziang thuhla hman an than hrih lo.

Remdaihnak tawlreltu PPST ih thuphuangtu Nan Yin Yin Soe in, “Tuini tiangah pawlkom (5) in meeting an kai ding ti kan nenhnget zo. Rakhine hriamkai ALP, BKBA, Karen hriamkai KNU/KNLA PC, Pa-O hriamkai PNLO le Mon hriamkai NMSP pawl cu meeting an kai ding” a ti. Kachin hriamkai KIO le Chin hriamkai CNF cun meeting an kai lo ding thu an tarlang zo.

Be the first to comment

Leave a Reply

Your email address will not be published.


*