Ralhrang Sakhan Ah Thla A Hrang Tin Zanṭim Laiah Ralhrang Pawlin An Kap Ciamco

Ayeyarwady Division, Maubin ralhrang sakhan sungah thlahrang aum tin ralkap pawlin zanṭim laiah meithal an kap ciamco ṭheu. Vengsung mipi pawl khalin thlahrang aum thu an rel. Zantlai hnuah ralhrang sakhan sung le a kiangkap hrawngah thla an hmu ṭheu.

Tualsung mi in, “Maubin ralhrang sakhan le line khan sungah thla a hrang tin zan nazi 10:00 hnuah ralhrang pawlin meithal an kap ciamco” a ti.

Maubin ralhrang pawl ih an kaihmi nunau kum 28 mi Tin Maw Lin cu November 9, 2021 ah an sakhan sungah an rak hrem that. Tin Maw Lin cu naupai lai a si ih a naupai cu thla 4 a kim zo, a ruak hi an sakhuadan vekin an tuamhlawm lo ruangah a thlahrang an ti.

An mihremnak khan sung khalah a thla an hmu ṭheu, kiangkap ih ralkap duty pawl khal ṭih thlaphang dingin a tuah. Vengsung mi in, “Zan nazi 10:00 a luan hnu cun Maubin ralkap sakhan ihsin meithal awn kan thei ringring, an hrem thatmi nunau thla in a hring ṭheu an ti. An mihremnak khan sungih thirhri khal an awn ciamco ṭheu” a ti.

Be the first to comment

Leave a Reply

Your email address will not be published.


*