Ralhrang Sakhan An Kap Ih Ralhrang Pawl Thailand Ram Ah An Va Tlanlut, Thailand Ralkap In An Kai Ih Myanmar Ah An Tlung Duh Lo

Karen State, Myawaddy ramsung ih um ralhrang sakhan cu May 17 zan ah tualsung mipi ralkap tangtlang in an va kap ciamco. May 18 zinglam nazi 11:00 tiang an kapaw ih ralhrang sakhan cu an la thei. Sakhan sungih um meithal, ralthuam tampi an laksak.

An kahawknak ah ralhrang 5 an thi ih 6 cu nungdam in an kai. Mipi ralkap pakhat a thi ih 4 in hliamhma an tuar, mipi ralkap tangtlang pawl cu KNLA၊ KNDO le PDF pawl an si.

Ralhrang 11 le an thilri phurtu 3 cu Thailand ramsung ah an va tlanlut ih kutdawh vekin an um, Thailand ralkap pawlin an rak kai ih Myanmar ramah an kuatsal tum.

Asinan, ralhrang pawlin kuat lo dingin an ngen, an kuat asilen doawk laiih tlanhlo an si ruangah hremnak an tuar ding thu an sim. Thailand ralkap pawlin tak an kolhter hnuah rawlei ding an pe ih May 19, 2022 ah Myanmar ah an kuat tlung.

Be the first to comment

Leave a Reply

Your email address will not be published.


*