Ralhrang Veltu Palik (10) An Kai, An Kaihnak A San Dang >>>

Magway, No. (2) Police Station ah Air Force ralkap pakhat ava lut ih buainak a tuah. May 31 sun ah palik sakhan ah ava lut ih palik sakhan hotu Aung Soe thawn ṭongkam an el’aw, ralkap in palik bawi cu a thong ruangah an kaibet. A kut an hrenbet.

Air Force ṭuanvo neitu an bia ih palik sakhan ah ava feh ve, a naupa ralkap cu suah zalen dingin a fial. An suah zalen veten ralkap cun palik bawi cu a thong sal ih sakhan sungih um palik pawlin ralkap cu an thong, an vel vualvo. Hitin an cangvaih lai video cu Khit Thit Media in a tarlang ih an lar zet.

Ralhrang pawlin No. (2) Police Station ih palik zaten an ava kai thluh ih thu an sut rero lai. Palik sakhan bawi Aung Soe khal an kai. Tualsung mi pakhat in, “Palik sakhan bawi Aung Soe telin palik 10 lenglo an kai ih thu an sut rero lai. No. (2) Police Station cu ralkap pawlin umhmun an khuar ih zingzoinak an nei” a ti.

No. (2) Police Station ih palik pawl an kaihnak a san cu himi palik sakhan sungah zohthuptu an um ding ti an zum. Sakhan sungih cangvaihnak cu video in an rak zuk thup ih Khit Thit Media hnenah an pe, himi video zuktu hi kaih ngah an tum. An kai ngah lo asilen palik pawl cu palik ihsin hlonhlo thluh an si dingih thawng an thlak thluh ding.

Kiangkap thuhla theitu in, “No. (2) Police Station ih palik pawl an kaihnak a hrampi bik cu an sualawk ruangah a si lo. Video zuktu hi a si, palik lakah mipi lamtang an um ding ti an zum. Ralkap in palik bawi Aung Soe cu a thong ih an kai bet, himi thilthleng ruangah Magway palik pawl cu an lungawi lo tuk. Ralkap pawlin palik pawl an hmuhsuamnak a si” a ti.

Be the first to comment

Leave a Reply

Your email address will not be published.


*