Ralkap 100 Hrawng An Cawl Hahdam, An Itthat Laitak Ah PDF In An Va Kap Ciamco Ih Ralkap 40 An Thi

October 27, 2021 zingpit nazi 2:00 ah Kawlin-PDF in ralkap 100 hrawng umnak pahnih cu veilehkhat ah pukpi le meithal in an va kap ciamco ih ralkap 40 an thih thu theih a si.

Sagaing, Kyaukpyin Thar le Kachin Kone karlak ih um ralkap 20 hrawng umhmun khuarnak le ralkap 80 hrawng umnak hmun pahnih cu an rinawk lo laitak ah mipi kilhimtu pawlin an va nuai ciamco ih taw le lu thei loin an tlan.

Ralkap 40 hrawng ih ruak cu Kawlin-PDF pawlin an urkang, hliamtuar khal an tam zet ding ti zum a si. An meithal le an ralthuam pawl khal an laksak, mipi kilhimtu lamah cun mithi an um lo. Hliamtuar pakhat aum nan seherh um dinhmun a si lo.

Sagaing, Chin ram le Magway ramsung ih um ralkap pawl hotu thar misual hminthang ralbawi Lieutenant General Than Hlaing in “Himi ramsung ih um PDF zaten nuai cimit thluh uh. An thi siseh, an nungdam ih nan kai ngah asikhallen nuai cimit thluh uh. Na duhmi ralkap pawl nan hruaisuak thei, lei ralkap, van ralkap, tank motor, ziangvek ralthuam khal nan hmang thei thluh. PDF zaten nan that thluh hnu lawngah Nay Pyi Taw ah ra kir uh” tin order a pe.

Be the first to comment

Leave a Reply

Your email address will not be published.


*