Ralkap 15 Cu An Meithal Thawn An Tlan, Ralkap Pawlin An Dum

Myanmar ralkap pawl lakah Min Aung Hlaing kuthnuai ih hnaṭuan duh lo an tam zet nan thuhla a phunphun ruangah an tlansuak ngam lo.

Ṭhenkhat cu tlannak ding an nei lo, ṭhenkhat asilen an nupi fanau pawl ih tuar ding an phang ruangah an tlansuak ngam lo.

Magway Division, Thayet khua ih ralkap 15 cu an meithal pawl kengin August 17, 2021 ah an tlansuak ih ralkap pawlin kai dingin an hawl rero lai.

12th Infantry Division hmeltheih pakhat in “Ralkap meithal kilkhawinak hmun ih hnaṭuan ralkap 15 cu an tlansuak, ralkap pawlin an hawl rero lai. Doawknak tualrawn ih hmainortu ralkap cu an si lo, ralkap meithal tuahnak ih meithal pawl kilkhawitu an si.

Asinan, doawknak ih hmainortu ralkap an daihawk nawn lo ruangah doawknak tualrawn ih hmainor dingin an fial ih an kut ah meithal a thleng veten an tlan” a ti.

Mandalay, Myitkyina ramsung ah doawknak a thleng rero lai, ralkap pawl cu an daihawk nawn lo ruangah 12th Infantry Division ihsin ralkap 30 cu doawknak tualrawn ah an thlah tum ih 15 cu an tlansuak.

Be the first to comment

Leave a Reply

Your email address will not be published.


*