Ralkap 50 Hrawng An Thi, Mipi Lam 3 An Thi Ih Hliamtuar 20 An Um

Chinram, Mindat ramsung ah thuneihnak latu ralkap le mipi kilhimtu pawl an doaw rero lai. June 6 sunah nasa zetin an kapaw ciamco ih mithi le hliamtuar khal an tam zet. Ralkap pawl cu 150 lenglo an si ih hmunhnih ah an ṭhenaw.

Mindat ramsung hmun dangdang ah an kapaw ih ralkap ṭhenkhat cu raltlan pawl umnak kiangkap tiangah an va feh nai. Ralkap pawlin siivai ṭha lo bomb, sniper le pukpi thawn Mindat mipi kilhimtu pawl cu an kap ciamco ih minung 3 an thi.

An hmin cu Salai Thang Mang, HaPyi le Ngai Siang Mang pawl an si. Ralkap pawlin siivai ṭha lo bomb an hmang ruangah mipi lam hliamtuar le mithi an um, minung 20 lenglo in hliam an tuar.

Vanzam in bomb veihnih an thlak. Chaungzon kiangkap ih an doawknak ah ralkap 40 hrawng an thi ih Yaek khua kiang ih an doawknak ah ralkap 10 an thi. Hliamtuar khal an tam zet.

Be the first to comment

Leave a Reply

Your email address will not be published.


*