Ralkap Cozah A Dodal Ruangah A Nulepa In An Fanu Sinak Ihsin An Hlon, A Nulepa Hnenah Lungawithu A Sim ih Hmailam A Pan Vivo Tum

Myanmar ramsung buainak ah mino pawlin an nunnak thap in an zuam, ram le miphun hrangih nunnak hlan khal an tam zet zo. Ramlak ah an khuasa ih ruahsur hnuah fikfa le cangvat lakah hringnun an hmang rero lai.

An pekawknak hi upat an tlak zet ih zalennak nieng mawi a suak ding caan a hngakhlap um tuk. Mandalay ih um U Khin Muang U le Daw Win Win Gyi tei fanu cu lamzawhnak ah a tel ringring, ralkap cozah cu a phunphun in a dodal.

A nulepa in daiten um men dingin nun an sim ṭheu nan a duh cuang lo ih duhphorhnak nei dingin a poksuak ringring. Curuangah August 12, 2021 sun ah hringtu a nulepa in an fanu sinak ihsin an hlon thu newspaper parah an tarlang.

Ziangvek buainak a tong asikhallen ṭuanvo an la lo ding thu pawl an ngan. An fanu Mah Eih Pyi Sone cu ralkap pawlin kai dingin an hawl ruangah hmun dangah a relh.

A nulepa ih an ca suah ruangah a thinheng lo ih “Tuini tiang zianghman ṭuan loin in rak cawm ruangah ka lungawi tuk” tin lungawi thu a sim sawn. Asinan dunglam ah kirsal a tum lo ih rampi zalennak ngah hlanlo a zuam vivo tum thu a rel.

Be the first to comment

Leave a Reply

Your email address will not be published.


*