Ralkap Cozah Duh Lo Ih CDM Tuahtu Sayama, Naupai Lai A Thi

Tanintharyi Region, Myeik Township, Mulun khua ih um Daw Thaw Tar Nwe cu Middle school ah sayama a ṭuan. Innsang harsa zet an si ruangah naupai cingin tlawng sayama a ṭuan ṭenṭo.

Asinan ralkap in thuneihnak an lak ruangah ralkap kutnuai ah hna a ṭuan duh nawn lo ih Civil Disobedience Movement (CDM) a tuah.

Thla 6 sung cu a rem dandan in an khuasa ih August 5, 2021 zinglam nazi 5:00 ah Covid-19 in a thih thu theih a si. A pum sungih um naute thla 9 mi khal a nu thawn mual an liamtlang.

A fanu kum 3 mi le a pasal tanta in hringnun a suahsan. Myeik Township fimthiamnak zung khalin CDM miralṭha tin capi an suah ih tuarpinak an langter.

Be the first to comment

Leave a Reply

Your email address will not be published.


*