Ralkap Daan Thar: Inn Pakhat Ah Caw 2 Lawng Vulh Siang, 2 Tlunlam Cu Cozah Ta A Si Ding

Ralkap in thuneihnak an laknak cu thla 4 a kim zo ih sumpai lamah harsatnak an tong rero thlang. Cozah hnaṭuan pawl khal CDM ah an lut, ramdang pawlin an sumdawngnak an phitsak ruangah an buai zet.

Curuangah ramsung mipi pawl parah daan thar an tuah rero, ramsung mipi pawl ih rannung/thilri eidan ding lawng an hawl thlang.

Tuiṭum ih an daan thar cu inn pakhat ah caw pahnih lawng vulh siang a si, pahnih aitam an vulh asilen cozah ta an si ding tinak a si. Ralkap thuthang MRTV ah an phuang zo.

Mandalay, Pyin Si khua ah zohdiknak an va nei ih an khua milian Kyaw Myo Shwe (b) Pho Shwe in caw 30 arak neih ruangah pukmah 59D, 969 (b) in thubuai tuahsak cih a si.

Inn dang khalah zohdiknak an nei vivo ih caw 2 aitam nei pawl cu Pyu Saw Htee group in an laksak, an khua kiangkap khalah caw 2 aitam nei pawl cu Pyu Saw Htee group hnenah ap lohli dingin theihternak an tuah, June 1 ni tiangih ap lo pawl cu hremnak pek an si ding ti a si.

Be the first to comment

Leave a Reply

Your email address will not be published.


*