Ralkap Hotu In Ralbawi A Kap That, ‘Tlunlam Upa Hnenih In Hek Ruangah” A Ti

Kachin State, Myitkyina District ramsung ih um Chipwe khua ih ralkap sakhan sungah thatawknak a thleng. Cutawk ih ralkap pawl hotu in October 19, 2021 simlam nazi 7:00 hrawngah ralbawi a kap that.

Infantry (105) sakhan sungih thilthleng a si ih mithi cu Captain Ye Si Thu a si, a awm le kut, liang ah meithal kahnak hliamhma pathum a tuar.

Thuhla theitu in “Captain Ye Si Thu in natkhamnak kakuaisii dawt dingin a fial ih ralkap pawl hotu in “Ka dawt thei lo, ka duh lo” a ti. Curuangah Captain in tlunlam upa pawl hnenah a sim thei. Zanlam rawlei khawh ah Captain cu toin game a lek rero laiah ava kap that” a ti.

Mithi Captain Ye Si Thu ih ruak cu a innsang pawl umnak Myitkyina lamah an phur tum, mithattu Officer Win Naing khal an kai ih Myitkyina lamah an kuat.

Be the first to comment

Leave a Reply

Your email address will not be published.


*