Ralkap Ih An Hlumi Oxygen Plant Cu Hakha Cozah Siizungpi Ah A Thleng, Chin Ramkulh Hruaitu Pu Ngun San Aung In Zohfelnak A Nei

Hakha General Hospital ah ralkap pawl ih hlumi oxygen sersuaknak Oxygen Plant cu August 9, 2021 zinglam nazi 11:00 ah a thleng.

Chin State Prime Minister U Ngun San Aung, Northwestern Regional Command, Deputy Commander, Major General Myo Htut Hlaing, ramkulh hruaitu pawl, ramkulh daan thiamsang le Departmental officials pawlin zohfelnak an va nei.

Ramkulh harhdamnak hruaitu Dr Aung Myint Oo in Hakha General Hospital ih an hmang rero lai mi Oxygen Plant in nikhat ah oxygen 40 liters tleng oxygen burpi 12 a pampsuak thei,

Chin ramkulh cozah in oxygen 40 liters tleng oxygen burpi 300 an cah mi ah 200 a thlengfel zo thu pawl arak simfiang. Chin ramkulh hruaitu in tu ih thleng thar Oxygen Plant cu bunfel lohli ih hmang theih dingin forhfialnak a nei.

Tu ih thleng thar Oxygen Plant cu an bunfel asilen nikhat ah oxygen 40 liters tleng oxygen burpi 34 a pampsuak thei dingih Hakha General Hospital in oxygen an áš­ulsamnak cu tampi a bawm ding.

Be the first to comment

Leave a Reply

Your email address will not be published.


*